نبذه عن مؤسسة مرقاة - مصر
إحنا مين؟ مبادرة شبابية تطوعية ابتدت بمجموعة من الأصدقاء في 2016، ولما لقينا نشاطنا زاد ومتبرعينا زادوا، قلنا نخلي شغلنا رسمي، فعملنا مؤسسة مرقاة الخيرية التابعة لوزارة التضامن الاجتماعي وخدنا الإشهار في يوليو 2018 • يعني إيه مرقاة؟ مرقاة جاية من الرقي والارتقاء؛ مرقاة يعني أداة أو وسيلة الصعود، الحاجة اللي بتطلعك فوق، اللي من خلالها تقدر تتقدم وترتقي.. فإحنا (كمرقاة) حبينا نكون الأداة اللي هتساعد أهلنا وبلدنا على التقدم والارتقاء.
مكاننا فين؟
23 شارع النهضة - تقاطع السد العالي - سرايات المعادي - الدور التالت
شغالين في أنهي محافظة؟ شغالين في مصر كلها بفضل الله
إيه الأنشطة بتاعتنا؟
- وصلات المياه
- الأسقف
- توزيع زكاة المال على مستحقيها من الفقراء والمساكين رقيقي الحال
- كفالة اليتيم
- كفالات شهرية للأسر رقيقة الحال من الفقراء والمرضى
- دعم دور القرءان
- توفير الاحتياجات الأساسية لبيوت الأسر رقيقة الحال من (مراتب، سراير، غسالات، بوتجازات، إلخ..)
- دبح العجول
- إطعام الطعام عن طريق عمل وجبات للمسنين والمرضى، توزيع شنط غذائية (أكل جاف) بالإضافة لشنط رمضان
- سداد ديون الغارمين
- بناء وترميم البيوت
- عمل مشروعات صغيرة للأسر الفقيرة
- توفير الكشف الطبي والعلاج أو العمليات للحالات الطبية الفقيرة المستحقة.. وكمان بنعمل أطراف صناعية
- عندنا حضانة ومدرسة صغيرة (تعليم موازي) في العياط
- تجهيز العرائس اليتيمات ورقيقي الحال
- صيانة المنازل وعمل حمامات
إزاي بنتأكد إن الحالات مستحقة؟ كل حالة بنساعدها لازم ننزل نستكشفها علشان نتأكد من استحقاقها، ومش بس كده، إحنا بنخلي باحث ينزل الأول وبعدين مراجع علشان نضمن تمامًا استحقاق الحالة.. وبعد ما نتأكد من استحقاقها بنشوف هي محتاجة إيه وبنشتريه ونوصله بنفسنا
شرفت أكاديمية أي بي إس بتدريب موظفين من مؤسسة مرقاة
خلال الشهور الماضية شرفت أكاديمية أي بي إس للتدريب بأن قامت بتنفيذ بعض الدورات التدريبية الهامة لموظفين ومديرين من مؤسسة مرقاة في إطار خطتهم الرامية لتحسين اداء العاملين وتطوير المهارات الخاصة بموظفيهم، وفي اطار تعاوننا معهم استطعنا تقديم دورات تدريبية احترافية لهم، وتم تنفيذ التدريب بأسلوب احترافي نظرا لما تمتلكة أي بي إس للتدريب من امكانيات قوية وخبرات مذهلة في عالم التدريب.
